Recursos educativos Infantil e Primaria

Con motivo do 8 de marzo, “Día internacional da muller”, a Consellería de Política Social e Igualdade envía un enlace para o visionado da curtametraxe de animación “Eu vou comigo”, de Abano Producións SL e dirixida por Chelo Loureiro.

Esta curtametraxe, que aposta pola prevención da violencia de xénero e promoción da igualdade, busca que se traballe a autoestima e o autoconcepto positivo co alumnado de educación infantil e primaria. Foi seleccionada para a proxección en multitude de festivais de cine españois e estranxeiros e recibiu varios premios internacionais.

Ademais, achega un PDF co material didáctico dirixido ao profesorado complementario do visionado da curtametraxe. Esta programación está pensada para traballalo nas aulas e mellorar as relacións interpersonais, a autoestima e construír formas sas de bo trato e igualdade entre o alumnado.

Pódese visionar a curtametraxe cantas veces se queira (pinchando na imaxe), usando sempre o contrasinal que se achega.